同受濕疹困擾！亞姐江雨婷羅燕霏力證冇不和

2019亞姐總決賽冠軍江雨婷與其他港區亞姐其實剛相識不久，關係明顯較疏離，唯獨是與羅燕霏十分夾得來，江雨婷解釋因為覺得羅燕霏很像她一個好朋友，羅燕霏說：「唔知點解我個樣好似好多個人，羅思雅都話我好似佢個朋友。（個樣百搭？）唔知呀，可能普通啲卦！」江雨婷則讚：「幾好呀，佢個樣友善嘛！」她們更笑言兩人投契的原因，是傾談濕疹，原來她們都受濕疹困擾，互吐苦水。

江雨婷又透露四月會拉隊捧羅燕霏有份演出的舞台劇《戀上十二星座》場，藉此反駁疏離之說，她說：「我哋幾friend呀！（冇鉤心鬥角？）真係冇，可能大家都覺得咁多女仔喺一齊會多拗撬，其實我哋好和平，冇小圈子。」羅燕霏也認同當選的女仔只有幾個，不能再劃出小圈子。江雨婷說新年願望除了想拍劇外，希望畀心機努力做運動，她說：「我之前畢業，忙住寫論文嗰排，成日食又唔運動，搞到冇晒啲肌肉，希望做番多啲運動，操Fit自己。」