【網民求教秘訣】陳柏宇囡囡戴實口罩出街

武漢肺炎肆瘧，香港出現確診個案之後，大人都會戴口罩出街，不過要小朋友乖乖戴口罩，唔掹兼唔除就真係好有難度！呢日歌手陳柏宇同囡囡Abigail出去行街街，見到佢哋兩個都戴晒口罩，Abigail成程都冇除低，得1歲人仔咁聽話唔手多多真係乖到爆！唔少網民都讚佢叻女，為人父母嘅網民留言話深明要小朋友戴口唔除有幾咁難，仲有人請教陳柏宇點樣先至可以令小朋友聽教聽話肯戴口罩嘅辦法？亦有人指出Abigail個口罩好似大咗啲有罅位，提醒陳柏宇幫囡囡綁緊啲，又或者搵個細size啲嘅口罩戴。