輸「波」！平胸陳康琪慘被張繼聰狠撇：慣晒

女子唱跳組合Bingo成員陳康琪（Odilia）喺電影《家有囍事2020》飾演張繼聰女友，但要做超級平胸女嘅佢，因為阿聰被另一女星豐滿上圍所吸引，而慘被狠撇。當中有一幕係兩女慢鏡行Catwalk互撼，兩女身材高下立見而引發笑彈！

問到現實中身材32A嘅Odilia有冇因為胸細輸咗而唔開心？佢笑說：「唔會啦，因為呢啲都係我日常生活入面經常發生，我都已經習慣晒。好開心今次有機會可以喺大銀幕亮相，好感激導演畀呢個機會我嘗試。今次對我嚟講係一個挑戰，一直大家都係睇到我唱歌跳舞嘅一面，其實我對演戲都好熱誠，希望將來有更多機會可以畀大家見到更多方面嘅我。」

電影中仲有隊友關嘉敏（Carman），佢都好開心有機會拍戲：「之前有拍電視劇，發現原來自己都幾鍾意做戲，因為可以試到好多唔同嘅角色。希望大家會鍾意我哋嘅演出啦。」