防範武漢肺炎！Bob全家戴罩出街食團年飯

武漢肺炎侵襲香港，唔少市民出街都戴上口罩自保！育有四個仔女嘅林盛斌（Bob）都做好預防措施，尋晚一家大細去食團年飯時都戴晒罩！Bob上載一張不一樣的全家福，留言：「個造型係特別嘅，而要小朋友戴口罩，亦係唔容易嘅，你可以睇吓細佬，幾咁陰功同委屈！為人為己，一定要做好最基本嘅防護措施，新一年，只有一個願望，大家都要身體健康。」

而今日大年初一，Bob再上載一條片，笑言：「我真係好鬼鍾意呢個儀式，全年最威最有地位就係呢一分鐘！」事關又到咗呢個簡單而隆重嘅拜年「儀式」，仔女同工人姐姐排晒隊向佢拜年，Bob除咗教囝囝講恭喜發財、身體健康，仲「逼」佢講「好靚仔」，非常搞笑！「儀式」完成後Bob就High爆舉V，錢都派得開心過人呀～