黃心穎心情繼續靚　初一團拜四萬咁口

藝人黃心穎自去年回港後，重新活躍於社交網，近日更頻頻「露面」，繼前日（23日）佢31歲生日獲全家出動為佢慶祝，今日大年初一，黃家再次齊集團拜，黃心美喺網上大晒合照，並留言：「一家人健康快樂的在一起就是『鼠』不盡的幸福。」相中見到除咗大人細路外，就連4隻狗仔都有入鏡，場面相當熱鬧！其中黃心穎更企喺最前負責揸機自拍，並笑到四萬咁口，心情靚爆！