Channing與Jessie J復合後　與前妻傾掂離婚

美國男星Channing Tatum昨日於社交網站Instagram公開與英國女歌手Jessie J的恩愛合照，宣布復合，今日與美國女星前妻Jenna Dewan談好離婚細節的消息就曝光！

Channing與Jenna將會共同撫養6歲女兒Everly，撫養權各佔50%。他們亦同意不會利用Everly拍攝任何社交網站的廣告，如果日後想替Everly接拍廣告，需要雙方家長同意。為了公平地分配撫養權時間，他們將會與一名輔導員見面。

另一邊廂，Jessie亦在Instagram上載被Channing錫面與咬面的短片，留言放閃：「當你將外界嘅議論、雜音同比較校成靜音，將自己人生嘅聲音校到最大；當你開放自我同無所畏懼咁跟住個真理去做；愛會另闢蹊徑咁閃耀同成長。由心而發咁開心。我好愛你呀baby，Channing Tatum。你愛我嘅方式，同我愛你嘅方式，同我哋嘅感覺先係最重要。」