【女神合體】朱千雪同「女兒」莊錠欣敍舊

韓國女團CLC嘅21歲香港成員莊錠欣（Elkie）係童星出身，拍過唔少無綫劇集，呢日佢就同曾經喺劇集《On Call 36小時II》合作過嘅前港姐朱千雪相約敍舊，當時兩人分別飾演吳啟華嘅女友同女兒，合作咗唔少戲份之後，相信佢哋就係咁成為好朋友。朱千雪喺社交網上載二人合照，並留言指合作時Elkie只得13歲，相隔8年再次見面，坦言對方成熟咗唔少，大讚佢友善兼有才華，又指非常欣賞佢依然保持住謙虛嘅心追尋夢想，為佢感到驕傲！而Elkie亦非常識做，大讚朱千雪咁多年嚟靚樣都Keep住冇變，大賣口乖。