范瑋琪帶囝囝拜年　一句話令潘瑋柏勁尷尬

正值農曆新年，唔少人都四出拜年，台灣歌手范瑋琪（范范）都唔例外，佢帶住孖仔飛飛、翔翔到朋友家中，點知竟然因為囝囝嘅一句童言童語，搞到同場嘅歌手潘瑋柏勁尷尬！

范范喺社交網上載合照，原來因為潘瑋柏着到全身紅噹噹，令飛飛、翔翔誤會佢係聖誕老人，認真搞笑！范范留言：「一進門看到瑋柏叔叔穿着喜氣的紅色衣服出來迎接我們，飛飛翔翔居然同步說出：Hello Santa!媽媽笑到眼淚都流出來了。」