曾樂彤逢賭必輸　楊天宇五音不全唱歌被叫停

英皇藝人曾樂彤和楊天宇（Angus）每年都期待農曆新年來臨，事關兩人記得去年農曆新年到老闆楊受成家中拜年，一眾師兄師姐容祖兒、Twins、古巨基都會齊集，單是?利是已是大豐收。問到可會打麻雀耍樂及開賭局來試運氣？Angus表示：「去老闆屋企個個都係好運，唔會輸錢走㗎。」曾樂彤解釋：「因為老闆好闊綽，唔會畀我哋輸錢。」她又自言就算不用輸錢都不愛賭：「因為自己覺得賭錢贏番嚟嘅運氣，係換咗我成年嘅好運，同埋我成家人都唔賭錢，因一賭就輸，連買藍籌都輸㗎。」不過，她覺得小賭能怡情，只是她不好賭博。

踏入鼠年，Angus希望工作陸續有來，以拍戲為主的他可想跟曾樂彤到樂壇發展？Angus笑言：「我第一日見Mani（經理人霍汶希），當時未簽約嘅，佢有叫我唱幾句嚟聽下，唱咗半句Mani已嗌停，佢話『走音喎！』（你五音不全？）三音半啦，仲有進步嘅。」反而曾樂彤唱歌外會多作嘗試，她謂：「今年會參與多啲拍劇嘅工作，其中一部Angus都有份拍，希望唱歌演戲多方面發展。」