腹肌初長成　牛雜妹濕身誘惑騷Quali

藝人「牛雜妹」李亦喬（Monnie）出道時身形圓潤，曾經用咗好多時間去減肥，不過成效都好有限，自從約滿回復自由身後，乜嘢都要自己管理比較忙，佢嘅體重明顯下降，就連腹肌都慢慢現出嚟，有咁好成績梗係要騷吓Quali，佢就住趁住農曆新年去咗馬爾代夫旅行，話晒當地都係一個陽光與海灘嘅地方，點都要水着上陣應吓景，雖然佢揀咗一件頭款式好密實，不過啱啱上水成身濕晒喺池邊影相，大玩濕身誘惑都別有一番風味。

之後Monnie返到酒店，着住短褲露腰裝嘅佢對住塊鏡自拍，大騷腹肌初長成嘅效果，雖然未係好明顯，不過已經隱若睇到有線條。