送口罩去武漢都有錯？小S撐家姐善舉

一場武漢肺炎令到人人自危，個個都希望有一罩傍身避「炎」，令到好多地方都出現口罩缺貨情況出現，台灣藝人徐熙媛（大S）就喺日本買咗10,000個口罩運去武漢紓緩當地嘅物資需求，唔少網民都大讚佢有善心，不過，台灣已經宣布口罩暫停出口，目的係想應付咗台灣民眾嘅需求先。就係因為咁，有小部分人就指大S嘅行徑不當，身為台灣人應該幫咗台灣人先！

大S嘅妹妺徐熙娣（小S）就喺微博留言力撐家姐嘅做法：「我們都是人類，都住在這個地球上，如果不互相幫助，這不是人類該有的行爲吧！沒有愛，地球只會更糟！恨，比病毒還可怕！」

而大S亦開腔回應批評：「我不覺得這有甚麼，這只是每個人都該有的做人態度：人飢己飢 人溺己溺。當人類有難，應該放下仇恨，互相幫助，而不是見死不救、火上加油！我希望我的孩子懂人道主義精神，不希望他們變混蛋。」