跑到去尼亞加拉瀑布　陳山聰慘被叫阿伯

唔少人農曆新年都有假放，但婚後第一個新年嘅陳山聰就要飛到多倫多工作，笑言要「搵家用」，不過身為「Crazy Runner」嘅佢又點會放過跑步機會！着晒羽絨戴晒冷帽眼鏡嘅佢喺當地一天光就去跑步，仲跑到去尼亞加拉瀑布！

佢邊跑邊拍片講祝福賀語，但當地落晒雪又大霧，真係睇見都凍，搞到一班好友都留言笑佢，姚子羚話：「留返（番）啖氣唱好啲歌啦！阿叔～?」黃智雯仲Mean爆話：「跑步咁多野（嘢）講，阿伯??」而林子善就乘機趁佢生B「強身健體快啲生個姪女」，山聰就回覆「Yeah??」，睇嚟距離有好消息不遠矣？