林峯一擊即中造人成功？林夏薇笑住咁講…

40歲嘅林峯喺除夕宣布同拍拖約兩年嘅34D索模女友張馨月成婚，有指因林峯係長子，父母急於抱孫，乖新抱即加緊生B大計，密密睇隱世中醫調理身子助懷孕。有消息指兩人一擊即中造人成功，據兩人密友透露，喺醫師嘅中藥及教授行房日子下，張馨月已懷有「鼠B」！

林峯堂妹林夏薇接受東網訪問時笑住話：「係咩？未收到風喎！不過如果係（真）當然好啦，如果係（真）戥佢開心，恭喜佢啦，不過我就未收到消息嘅！」