粉絲發燒疑中武肺　李婷婷搞見面會好擔心

藝人李婷婷（Tina）臨近新年前夕特意舉辦見面會，與粉絲聯誼兼慶新年，但近期疫情肆虐，故事前已通知粉絲如有身體不適請勿出席，其中一位粉絲表示出現發燒等症狀，疑似中招武漢肺炎，主辦方曾考慮取消是次活動，最終在患病粉絲承諾不出席情況下，活動如期舉行。

收「銀紙心」做禮物

原本聚會定於聖誕節，但因Tina要到台灣參加綜藝節目拍攝故延期舉行。當日除了與粉絲玩遊戲外，她更準備了利是及禮物作抽獎之用，而一名粉絲突然送上生日禮，令Tina非常驚喜：「其實我生日都係幾個月前，估唔到佢仲記得，禮物係用銀紙摺成嘅心形圖案，當我發現係錢嚟，佢已經轉身走咗，想畀番佢都唔得，收到呢份心意好高興，不過份禮物要諗吓點處理。」

而患病粉絲最終證實非感染武漢肺炎，Tina為補償該粉絲，特意親手寫心意卡及寄禮物給對方祝他早日康復，相當窩心！