囝仔翻生?51歲袁文傑「一家三口」慶生

20200129
東網電視
更多新聞短片
驟眼睇以為係真。
藝人袁文傑尋日51歲生日,正日固然係同女友張潔蓮(Jackeline)撐枱腳慶祝。雖然今年嘅生日愛貓囝仔已經唔喺身邊,不過佢哋專誠訂製離世愛貓嘅公仔,「一家三口」齊齊整整食飯。其後壽星仔喺社交網留言表示生日願望係身體健康:「好多人問我生日有乜嘢願望?其實冇嘢比身體健康更重要,今年生日感受更大!珍惜身邊愛你嘅人,好好照顧自己身體,就係對愛你嘅人最好嘅回報!感激J一直陪伴,囝仔雖然離開了,但佢嘅精神仍然存在…」好多網民都話隻公仔神似囝仔,第一眼仲以為係真貓!