寸男友衣着似風水佬　陳喬恩耍花槍放閃

上年成功脫離「黃金盛女」行列嘅台灣藝人陳喬恩，雖然外界一直唔睇好同細佢9歲馬來西亞富二代曾偉昌（Alan）嘅戀情，佢哋懶理閒言經常喺社交網放閃。趁住農曆新年，Alan着住紅色唐裝衫返工，諗住增添喜興氣氛，點知陳喬恩唔多Buy，仲cap低同男友視像對話嘅畫面，將男友造型放上社交網公諸於世，留言：「這位先生今天穿這樣上班，好幽默，曾師傅過年看風水嗎？」擺明寸男友一身裝束似風水佬，雖然陳喬恩把口唔留情，不過睇男友嘅表情嘴角微翹冧冧笑，就知佢哋喺度耍緊花槍！