畀小鮮肉冧暈　李施嬅叫胡杏兒生多幾個

「胡說八道會」成員新春拜年，雖然今次得胡杏兒、李施嬅同胡定欣，骨幹成員得半數聚埋，好彩有胡杏兒兩個囝囝在場，有「小鮮肉」在場即刻熱鬧晒。李施嬅喺社交網上載咗合照，見佢同胡定欣抱住胡杏兒囝囝愛不釋手，睇得出李施嬅畀兩個小朋友冧到暈，佢仲留言叫胡杏兒繼續生：「They make me so happy.（佢哋令我好開心。）有咁乖嘅小朋友，生多幾個都唔拘喎。加油啊，我隔籬再隔籬嗰個。」網民都留言叫李施嬅快啲搵番個男友，之後即時生番個。