《愛回家》最強Boy Band 金城安Rap得Pro

20200129
東網電視
更多新聞短片
《愛回家》三子晒唱功,又幾正喎~
熱播劇《愛.回家之開心速遞》晚晚同大家見面,主要演員真係入晒屋,「金城安」周嘉洛早前仲威到拎埋最佳男配角,人氣勁到呢~雖然劇集拍攝加碼,不過一班演員各有各,就好似一直對唱歌都咁有Heart嘅「George」張明偉,佢本身就未有放棄過唱歌,得閒都會錄好音拍片放上網,而佢最新一段片就搵埋金城安同「池子孝」阮政峰合唱《上善若水》,同香港人打打氣,咁啱就食正金城安阿媽「熊尚善」滕麗名同阿姨「熊若水」呂慧儀個名兩粒字,都咪話唔有心!
當中周嘉洛同阮政峰就犀利喇,佢兩個就負責Rap,見周嘉洛戴晒Cap帽Chok到爆咁冷面Rap,而阮政峰就主攻Hip Hop造手,三子之中最唱得嘅張明偉當然負責做主音唱Hook,簡直就係高音甜低音準,今次《愛回家》最強Boy Band真係非佢哋莫屬,轉頭又收穫一班女粉絲喇~