曾華倩發文唔撐醫護罷工　網民反應兩極

武漢肺炎肆虐，撞啱呢段時間出現身體不適真係驚到震，藝人曾華倩之前喺北京返香港，第一日就出現病徵，好彩只係普通嘅傷風感冒，自我隔離多日已經冇事，佢喺社交網提醒大家外出要戴口罩同埋消毒噴霧，保護自己之餘亦可以保護身邊人，佢除咗祈求疫情盡快受控之外，亦多謝一班喺前線無私奉獻嘅醫護人員，感激佢哋堅守崗位，不過佢就強調唔包括要求罷工嘅醫護人員。

呢番言論迅即引起好大回響，網民兩極化喺佢社交網留言，有部分人指希望佢了解清楚事件先發文指摘，亦有人支持佢嘅言論，唔贊同喺抗疫期間搞罷工。

及後，曾華倩再於社交網發文：「每個人的心是甚麼顏色的？只有自己才真心知道！但我可告訴你們，我愛（和平），愛我~愛的家人（和）朋友（和）愛我的人，這才是真愛！」