冇得主持六合彩！蔡國威打泰拳疫境自強

因為新冠肺炎疫情影響下，馬會要暫停六合彩攪珠，以減少場外投注處人流聚集，所以「六合彩之子」蔡國威（威威）冇得主持六合彩，惟有寄情做運動，要對抗疫情，威威稱要勤加運動，增強身體免疫力，以積極態度面對方為上策。不過，這個肺炎疫情蔓延的日子，他亦冒險到健身室打泰拳，不過，有教練帶領下，消毒步驟做到足，他說：「乜都唔使驚！」

愛做運動的威威，過去十多年都風雨不改，不過今次打泰拳他表示則屬初嘗：「以前我覺得自己體形太奀，所以做運動，教練話打泰拳可消脂強肌，只要三個月至半年就見效，所以我想試吓。（唔怕疫情？）個人衞生做足之外，更要做運動強身健體啦！教練幫我包手時都做晒消毒，加埋呢度（健身室）每日三次消毒，全部教練都有戴口罩，所以我好放心！」

場地：FIVEZ Fitness&Wellness