蔡嘉欣「擱淺」網紅世界　全力Chur演藝

前港姐蔡嘉欣參選港姐之前，係一名YouTuber，拍片講吓化妝同去旅行。呢日佢喺社交網同網友大玩「你問我答」，當有網友問到佢係咪唔再做YouTuber時，佢話以為會兼顧到，但點知發現唔Work：「本來以為兩者可以同時兼顧，結果我錯了，絕對唔可以話放棄，擱淺會比較適合。」至於情迷韓星李敏鎬嘅佢，被問到揀男朋友定李敏鎬，佢即話：「唔使問嘅，梗係男朋友！」咁識講嘢，難怪同男朋友感情咁好啦！