劉佩玥擇偶唔睇樣　愛Bob唔愛玄彬

藝人劉佩玥、陳煒、林盛斌（Bob）及張秀文，於電視城錄影節目《你估我唔到》。劉佩玥坦言因疫情，自己試過一星期留在家中：「主要煲吓劇、執吓嘢咁，美劇、韓劇都睇，早幾日等韓劇《愛的迫降》大結局，就睇番男主角玄彬之前代表作，好似《秘密花園》頂住先。」她同樣大讚《愛》劇女主角無論喜感或演技同樣出色。

記者笑問她是否加入成為「玄太」，劉佩玥答案出人意表：「佢依家咁多太太，我都係做小粉絲好啲。坦白講如果玄彬同林盛斌畀我揀嘅話，我會揀林盛斌，我同佢啲小朋友玩過，又識佢太太，發覺Bob其實係暖男同好爸爸嚟㗎。」她直言擇偶不選外貌，最緊要對方「好人、心地善良」。她又表示早前拍劇與張頴康及張彥博都有感情線：「都拍得幾浪漫，我有信心。」