廿年冇玩一樣掂！羅志祥隨街問人借滑板踩

台灣舞王羅志祥（小豬）向來運動了得，佢以往更曾經自稱係羽毛球、游泳、籃球、網球及兵兵球等多項運動嘅校隊代表，堪稱「校隊逹人」，就連踩滑板都一樣難佢唔到！佢喺社交網上載一張喺街頭踩滑板嘅獨照，見佢雙腳離地企喺板上向前滑行，單係姿勢已經攞滿分，佢更留言指自己年輕時滑板技術一流：「快20幾年沒碰過了，看到旁邊有人在玩，就跟他們借來滑一下，我小時候真的玩的還不錯的，你們信嗎？」不過網友似乎唔多信，更搞笑揶揄佢：「一定是滑板校隊。」