忘年戀玩完！女友嫌阿爾柏仙奴太老分手

現年79歲的奧斯卡金像影帝阿爾柏仙奴（Al Pacino）與43歲以色列演員女友Meital Dohan拍拖接近兩年，近日盛傳二人已分手！

Meital接受以色列雜誌訪問時證實分手一事並說：「就算係阿爾柏仙奴，好難同一個咁老嘅男人一齊。無錯，分齡相隔（相隔36年）係好困難。我嘗試去否認，但依家佢已經係一個老人家，好老實。所以就算我付出所有愛，都好難長久。」而Meital亦爆二人最近炒大鑊並已離開他。而她亦呻阿爾咁耐以來只買過一紮花送給她，並指他唔愛駛錢。最後她說：「實在係我榮幸。我好慶幸我哋呢段關係發生，而希望我哋能夠維持好友關係。」

除了Meital之外，之前阿爾亦同阿根廷女星Lucila Sola於2008年拍拖，最終於2018年分手。她的演員女兒Camila Morrone就係里奧勒度狄卡比奧（Leonardo DiCaprio）的女友。