姜麗文告別單身派對　吳業坤亂入勁嬌俏

今個月初驚爆已婚嘅秦沛愛女姜麗文（Lesley），原來喺2019年9月於阿姆斯特丹舉行咗告別單身派對！事隔多個月，佢喺Instagram上載當時影嘅靚相，而傳統嘅Party只有女性朋友參與，但望真啲，點解有個男人嘅？原來係曾經喺無綫劇《街坊財爺》同佢有激咀戲嘅吳業坤呀，而多年前與Lesley拍戲結緣而成為閨蜜嘅鄧麗欣都在場！

喺派對中，眾人都着上粉紅睡衣，吳業坤都唔例外，仲擺出好嬌俏嘅樣，網民都用笑到喊emoji問佢想點??！而主角Lesley就High爆跳起，留言：「I love you guys so much！」