終於拍到《3》　傅嘉莉火紅Deep V騷身材

無綫節目《3日2夜》一向都多人睇，除咗介紹好多好玩嘅地方之外，當然唔少得係一班索女水着上陣，大騷Fit爆身材夠晒吸睛！原本藝人傅嘉莉（Kelly）上年年尾有機會參加呢個節目，點知佢大頭蝦唔知Passport有效期唔夠半年，結果就係咁去唔到。好彩佢嘅第二次機會話咁快就嚟到，早兩日同老友楊潮凱出發去柬埔寨拍攝《3》，今次咁順利梗係要跟傳統騷吓天賦本錢，佢喺社交網上載一張身穿火紅泳衣嘅相，雖然係一件頭款式，不過Deep V設計加上衩位嘅窿窿一樣好性感，貼身剪裁仲將Kelly嘅曲線盡現，好多網民都留言大讚正，仲話佢係陽光下的女神！