7種顏色擺晒上身　汪明荃跑步都要型過人

資深藝人汪明荃對衣着十分講究，配搭上一絲不苟贏得讚賞。Liza姐連跑步衣着都有一份堅持，她在社交網上載一段由丈夫羅家英拍下的短片，見佢戴着藍和紅色配搭的漁夫帽、架上太陽眼鏡，黃色短袖外衣內襯綠色長袖衣凸顯Layer效果，下身則以橙色短褲仔襯上黑色Leggings，再配埋對白色運動鞋，就算七種顏色同時放在一起亦不覺突兀，運動和時尚配搭得天衣無縫，她留言：「今天天氣唔錯，繼續鍛煉，緩步跑。」而家英哥則一邊拍片一邊叫：「快啲」，仲影埋後面步姿叫佢做「影后」，相當體貼。