出生百日玩剃頭　蔡少芬囝囝光頭Look萌爆

蔡少芬去年11月15日誕下第三胎，老公張晉喺社交網上載幼子「樂兒」最新片段，見囝囝肥肥白白，眉眼之間同爸爸好似樣，唔少網友大讚張晉基因強大，囝囝簡直就係張晉嘅迷你版，配埋個光頭仔造型更加係萌到爆，計番條數嚟到今日啱啱係樂兒出生一百日，相信蔡少芬都係跟老習俗幫囝囝剃頭，有長命百歲之意。佢哋仲大玩花式美顏濾鏡，幫囝囝加上白頭髮戴黑超，又有戴頸巾留鬚「老人」Look，有網民笑言：「孩子生下來就是玩的」，真係隔住螢幕都可以感受到蔡少芬同張晉嗰份喜悅。