呃Like好辛苦㗎！吳千語開Post教影女神相

藝人吳千語熱愛戶外運動，不時上山下海，呢日佢就出海遊船河吹海風，並大影多張靚相上載至社交網同大家分享。相中見佢邊吹風邊摸住酒杯底，相當寫意，佢更流露甜美笑容，加埋飄逸長髮，女神味出晒嚟！不過原來呢張女神照得來不易，佢公開其他影相時嘅失敗NG相，見佢畀風吹到披頭散髮，搞到極無奈，難怪佢都忍唔住留言：「你估頭髮飛吓飛吓好靚咁好易影呀，又要搵啱位，食咗二十分鐘風㗎。」