疫境鬥晒身材！陳婉衡VS李靄璣黑白雙煞

受疫情影響，大家都盡量避免外遊，降低感染病菌嘅風險。雖然冇得去旅行，但唔少女星就喺社交網上載昔日旅行時拍落唔同角度嘅泳裝照，重溫一吓歡樂時光之餘，更大派福利冧網友。36E無綫咪神陳婉衡晒出兩張於泰國布吉泳池拍攝嘅水着相，相中佢以黑色網狀比堅尼上陣，並挨向池邊玩「倒奶」，非常性感。而林奕匡老婆李靄璣就晒出白色三點式嘅全身照，加埋甜美笑容，認真煞食。