當年焦慮症先戴　藍奕邦見人人罩不離口心噏

歌手藍奕邦近年因情緒病而停工，對於因新冠肺炎致大眾罩不離口，他即有所感慨在網上發文稱以前因有焦慮症，故出街一定要戴口罩，直至病情好轉才脫罩，但現在因疫情關係，又要再戴口罩，感到諷刺。

藍奕邦留言：「真係好諷刺。兩年前初回港，焦慮症仲幾厲害嘅時候，唔戴口罩幾乎唔敢出街。唔明嘅人，個個覺得我古古怪怪扮大明星，個個問我：『你戴口罩做咩啫？驚咩啫？』我都費事解釋咁多。」他說口罩令他可紓緩神經：「可以唔使驚畀人見到我發作時嘅神經抽搐，令我慢慢開始投入返香港嘅正常生活，慢慢接觸返人群。由出街長期戴住到慢慢愈戴愈少，口罩係康復嘅一件重要item。」本來不再需要戴口罩的他，因疫情又要再戴：「唔戴反而會畀人叫你戴。返到香港差不多一個禮拜，出街見到個個人戴口罩，其實係幾心噏嘅。但冇辦法，只希望人人有罩，大家一齊捱過呢一關。」