誓不炒人！林盛斌同員工共同進退

受新冠肺炎疫情影響，唔少公司都實施無薪假，而身為「棋人娛樂製作有限公司」老闆嘅林盛斌（Bob），呢日就喺社交網發文指現時公司正經歷有如「十級颱風兼黑色暴雨」嘅考驗，但即使係咁都絕不待薄員工，佢向員工保證：「各位棋人香港嘅兄弟姊妹，我哋：1. 唔會裁員 2. 唔會減薪 3. 唔會放無薪假 大家一齊堅強抗疫，一齊同步過冬。」獲網民大讚良心僱主。