吳海昕差錯腳三級撕裂　半年冇得郁！

藝人吳海昕拍攝ViuTV劇集《二月廿九》期間曾遇上意外，她接受專訪時透露有一場戲大隊於北海道取景，原本是為了製造浪漫感覺，然而鏡頭背後吳海昕因一場追逐戲受傷，她說：「抵埗開工冇幾耐，有場戲喺醫院拍攝，講我畀兩個日本警察追，佢哋好落力跑得好快，我為咗避佢哋差錯腳，好彩喺醫院可以即刻治理，不過之後冇休息繼續開工，返到香港先知原來腳部韌帶三級撕裂，我有半年冇做過運動。」

大隊於北海道逗留期間日日捱冷，外景部份一眾演員發現很難控制面部表情，不時要停工回室內休息取暖。吳海昕形容感覺如面癱，她靈機一觸，選擇以熱水漱口「解凍」。

為投入今次角色，吳海昕拍劇前專誠找老師學習日語，不過正式拍攝時卻發現發揮機會不多：「但都培養咗我對日語嘅興趣，嚟緊都會繼續上堂同考試嘅。」

服裝：i BLUES