【不再Lemon Tree】蘇慧倫23年後點解靚過以前

台灣90年代玉女蘇慧倫（Tarcy）當年一首《Lemon Tree》紅遍兩岸三地，脫俗清純嘅佢真係迷倒唔少宅男（雖然宅男已經長大）。

時光飛逝，Tarcy回歸樂壇，早前佢為新歌《安和》拍MV，更專登到酒吧等夜店取景，23年後佢變成「凍齡女神」，由少女變成「熟女」，睇落仲靚過以前，由飲Lemon Tea轉歎紅酒，莫非靠飲呢樣嘢去保養？

新歌歌詞有句「和平東路操場」，Tarcy話喺現實生活中，佢不時有同朋友去一間叫「操場」嘅酒吧去小酌放鬆：「人生要嘗過很多不同的滋味！」

至於台灣亦要面對疫情，佢希望喺呢個時期，讓每一個人都放鬆吓、戴住口罩時都不忘記微笑。