拍拖150個月　寵妻號林奕匡有個好老婆

歌手林奕匡同太太李靄璣（Rikko）結婚就快三年，婚後二人各有各忙，但無損父妻感情，還經常喺社交網大派閃光彈！

Rikko呢日喺社交網透露同林奕匡已經拍拖150個月，即係12.5年，見佢哋只係好簡單咁拎住數字150影吓相紀念吓，而Rikko亦冧爆留言多謝老公一直嘅包容：「我覺得自己真是超級幸運可以遇到他。由認識他到現在，他不但更靚仔了、身型更好了、衣着打扮更有型了、亦更細心、浪漫、可愛、更有才華及更聰明了。唯一不變的是還是對我這麼，疼愛、痴纏、忠誠及容忍，我都是啦，好嗎？」對咗咁耐都可以咁Sweet，唔少網友留言請教佢哋究竟有咩保鮮方法！