同父異母無損姊妹情　孫儷推薦孫艷進軍幕前

內地女星孫儷有個同父異母妹妹孫艷，曾拍過劇集《後宮甄嬛傳》，同家姐喺劇中做番姊妹，隨即被網友睇好一線，指佢同家姐一樣，有潛力加入娛圈！

近日孫儷有份演出嘅劇集《安家》，原來入面飾演孫儷少女版嘅，係佢妹妹孫艷。孫儷呢日喺社交網自爆，原來妹妹有份演出同佢有關：「當我看到劇本裏需要演房似錦的少女時期，想想還有誰，會比此少女更合適的呢，必須是我妹妹孫艷呀！」唔少網友都話孫艷表現唔錯，仲話佢演技唔遜色過家姐！

其實早在《後》劇時，有傳孫儷曾同導演推薦妹妹參演，估唔到今次孫艷有份演出《安》劇，似乎亦係由孫儷有份幫助，相信孫艷喺家姐加持之下，喺娛圈一定發光發亮！