屋企變美容店　黃嘉雯同狗狗洗吹剪

一向愛護動物嘅港姐黃嘉雯（Carmaney），早前晒證透露完成咗個寵物美容課程，希望做一個寵物美容師。呢個熱度唔係只得三分鐘㗎，佢真係「開舖」實習，邀請咗第一位小客人上屋企洗白白兼扮靚，笑言「練習白老鼠」，而全程都被記錄上IG Story做Portfolio！

見Carmaney幫完狗仔沖涼就好細心咁吹身梳毛，每個Step都有板有眼，睇落狗仔都好滿意今次嘅服務，企定定咁望實呢位靚女美容師，超乖！雖然Carmaney話喺屋企做美容絕對唔係一件易事，但最後佢都成功完成任務，仲Post番張Before and After嘅對比照，畀大家睇到幫襯完佢嘅狗仔有幾大分別，手勢咁好，唔知Carmaney有冇真係諗過遲啲開舖呢？相信一定有好多Fans帶埋自己嘅寵物舉手去排隊做客仔！