張繼聰畀仔女騎牛牛　謝安琪有冇獎勵？

由於新冠肺炎疫情持續，藝人張繼聰（阿聰）趁住冇嘢做，就同仔女留喺屋企避「炎」。正所謂男人要擔起頭家唔容易，但係要孭起一對仔女，又有幾難呢？出名係廿四孝老竇嘅阿聰，喺社交網上載咗張佢趴喺地下，畀仔女騎牛牛嘅相，雖然佢最近密密做Gym，操到一身爆肌，但係要孭起仔女一啲都唔容易，睇見都戥佢辛苦呀！網民梗係大讚佢係好爸爸啦，仲話世上只有爸爸好添！唔知佢老婆謝安琪（Kay）見到佢，同仔女玩都咁出力，有冇獎勵吓佢呢？