重現屋邨曬被畫面　林欣彤：同香港打吓氣

歌手林欣彤出席電台宣傳新歌《親愛的巨人》，提到早前將新歌的歌詞印在棉被上，並邀請9位攝影發燒友帶到不同的屋苑拍攝，林欣彤說：「曬被行為，已經好多年無見過，覺得屋邨曬被好有人情味，公司將歌詞一兩句印咗喺棉被上面，畀佢哋影，相影得好靚呀，出發點想大家見到曬被見到歌詞，可以同香港打吓氣。（自己有冇親自影？）無呀，我覺得我影相好低手，自問唔識。今次唔止宣傳，係想做慈善，同埋溫暖大家，可能大家呢個時候人心惶惶。」

之後這些棉被會轉送給慈善團隊，屆時林欣彤亦會親自往捐被，她透露近日主力宣傳新歌，多了時間陪伴父母及細佬，她說：「我哋試過四個人喺屋企打牌，爹哋好勁牌章，我麻麻地，雖然無賭錢，賭籌碼，因為我對賭好懼怕，賭真錢會好驚，純粹同屋企人玩，自己都開心啲，見到爹哋媽咪一年比一年老，我哋生命都倒數緊，希望陪佢哋多啲。」