御用妓女變上司 龔嘉欣夜探羅天宇送點心

20200228
東網電視
更多新聞短片
羅天宇、龔嘉欣為無綫新劇《香港愛情故事》開工。
藝人羅天宇、龔嘉欣和尹詩沛為無綫新劇《香港愛情故事》開工。天宇分別要「冧食」劇中老婆龔嘉欣的愛心外賣,和被火爆上司尹詩沛喪鬧,先甜後苦的滋味並不好受!
羅天宇和龔嘉欣在劇中是一對恩愛夫妻,劇情拍攝老婆因心痛老公開OT故漏夜送上愛心外賣,兼施展冧功,令到天宇甜入心。不過,嘉欣鍾情目標其實是手中的道具外賣,並直言更是她的至愛:「因為外賣係魚蛋、燒賣、碗仔翅,呢啲係我平時最鍾意食,我可以當正餐都得,所以我食晒啲道具外賣!」
尹詩沛條眉好惡
嘗甜後,天宇就要受苦,演他上司的尹詩沛如「殺人狂」般鬧人,天宇事後接受東網訪問時坦言是活受罪,但亦讚詩沛鬧得好:「佢鬧得好狠,咁咪好囉,可以帶動大家都投入角色!」但詩沛卻戥天宇慘,覺得自己鬧得太狠,而對方猶如一位柔弱書生而有點不好意思。
向來有無綫「御用妓女」之稱的詩沛,今次有機會轉型做「辣辣上司」可謂過足戲癮,她說:「我入行都有10年,之前真係演好多妓女角色,今次轉型喺造型上都花咗好多心思,重點係個化妝,嗰條眉真係好惡!」