天窗石打卡影靚相　楊慧敏搵命博腳都震

最近天朗氣晴，大家為咗避疫悶咗喺屋企咁耐，都要出嚟活動吓，所以多咗好多行山客，落選港姐楊慧敏（Mina）同「牛雜妹」李亦喬都走咗去行山，仲齊齊Bra Top上陣好有睇頭。

Mina睇得出一向有行開山，原來佢仲有爬山技能，見佢上載咗唔少相喺社交網，為咗喺出名嘅天窗石度影靚相，全部都危險兼高難度嘅動作，啲甫士仲好靚，其實影靚相背後又係另一回事，佢留言：「腳震震，真係好驚啊，跌落去就係萬丈深淵，有啲位真係要手腳並用，大家嚟行都要小心啲。」啲相雖然好靚但係好有難度，大家想學Mina影呢啲靚相就真係要量力而為。期間佢仲遇到同屆參選港姐嘅「高妹」楊詠彤（Katy），咁有緣分，連佢哋都忍唔住話：「咁啱嘅！」

而最近減肥成功嘅李亦喬續繼努力做運動，仲分享佢行山路線留言：「在家的時間多了，便重拾了打文的樂趣。我把這次行大石磨的詳細路線在blog上分享了，趁這裏沒有太多人發掘到，閒時與親朋好友一起去做運動吧！記得不要留下任何垃圾啊！」