自嘲手腳唔協調　譚嘉儀着4吋踭跳舞牙煙

歌手譚嘉儀近年唱爆多首熱門歌曲，既有翻唱作品，又有全創作的英文歌，嘉儀一向唱的歌都比較靜態，近日她作新嘗試在社交平台上載同鄭俊弘（Fred）排舞嘅短片，穿上成4吋高的船踭鞋的她留言：「危險！着呢對鞋跳舞，真係有啲驚企唔穩#我手腳有點唔協調#唔好笑我#鍾意跳舞的我#ilovedancing#」她還tag埋Fred，原來兩人將會喺一個節目度合唱快歌《信自己》，見兩人都跳得唔錯，她與Fred平日都好少表現舞技，今次有機會兩人好興奮，她仲大叫Hyper。有網民讚她有啲料到喎，舞蹈有啲底，不過有人可能見啲dancers都帶咗口罩跳，但她同Fred都冇帶，提醒她：「相比之下冇口罩更加危險。」