莊思敏被網友咒離婚　5字真言反擊

藝人莊思敏（Jacquelin）本月中下嫁台灣珍珠奶茶店老闆楊秉逸（Brian）成為人妻，向來喜歡同粉絲互動嘅佢，為慶祝社交網有十萬個Followers，收集網友問題，拍片「你問我答」！Jacquelin坦言婚後會繼續拍劇同工作，當問到幾時同去邊度蜜月，莊思敏坦言因疫情問題，邊度都去唔到：「暫時喺地球上好似未有一個地方係安全，好多國家出現咗管制，都去唔到任何度蜜月同旅行，呢段時間大家都做緊家居隔離，雖然我唔需要硬性規定要家居隔離，但都少去人多嘅地方，為咗保護自己，保護身邊嘅人，都唔希望自己身體有乜嘢問題。」

不過竟然有位網友留言問佢：「離婚未？」向來敢言嘅Jacquelin作出反擊：「邊敢爬你頭。」亦有唔少人撐佢，向該位網友留言：「咁黑心！」