我在隔離的日子　楊千嬅變廚娘煮芝麻糊

歌手楊千嬅日前從澳洲返港，現正進行14日家居隔離，留喺屋企嘅佢，繼第一日陪囝囝丁進諾砌積木之後，嚟到隔離嘅第二日，佢化身「煮」婦整甜品，先嚟中午整曲奇餅，去到夜晚，老公丁子高喺社交網上載千嬅煮芝麻糊嘅相，見千嬅喺屋企都戴上口罩，相當衞生，佢唔係買整定粉狀加滾水即食嗰隻，係由炒芝麻開始都係親手整嘅，之後再磨及煲滾，雖然都係一碗芝麻糊，不過手工就多好多，入面仲包含咗千嬅成擔心機，難怪丁子高發文問大家：「丁氏芝麻糊！有誰想試？」