花園放咩都得　鄺潔楹二千呎獨立屋曝光！

藝人鄺潔楹（Judy）近年憑節目《3日2夜》、《學是學非》以及劇集《愛．回家之開心速遞》成功入屋，仲被爆原來係隱形有錢女，被指同屋企人家住二千呎獨立屋之外，又同哥哥喺跑馬地擁有逾千萬元物業，投資有道！

呢排疫情咁嚴重，Judy亦有乖乖留喺家中，仲拍片同網友分享佢宅在家中究竟做到乜，因而令佢家住二千呎獨立屋曝光！首先見到Judy喺客廳睇電視、敷面膜呆坐，仲悶到成個人瞓喺梳化邊上面，之後見佢轉戰廚房食嘢，廚房入面仲放得落一個對門式嘅雪櫃，就知道唔少嘢啦！

食飽又玩夠，喺時候又要開始煲劇人生，亮點唔係Judy個靚樣，而係佢背後嘅獨立花園，放得落咁大大張藤椅，唔少網友都直呼好羨慕，話屋企咁大做乜都得啦！