BBQ牛一！車婉婉屋企開迷你生日會

藝人車婉婉嘅3歲兒子Justus前日（28日）生日，因為新冠肺炎疫情嚴峻，大家都聽話盡量留在家中，婉婉一直叫囝囝做BBQ，特登幫BBQ喺屋企搞咗個迷你生日會，婉婉感謝朋友送嚟嘅巴士蛋糕，留言：「無錯，係BBQ先生Request（要求）嘅！MaMa問佢最想要咩蛋糕，佢好Firm咁話要London Bus…但係…佢諗咗一陣再話要有埋BaBy Shark㗎喎…！」好彩友人明白BBQ嘅要求，好多網友都大讚Baby Shark巴士蛋糕好靚呀！

做媽媽嘅婉婉代BBQ先生多謝各位阿姨、叔叔、哥哥、姐姐嘅祝福同禮物，仲話囝囝嘅生日願望係希望所有人身體健康、出入平安。婉婉都覺得時光飛逝，指BBQ大個仔，大得太快。