【疑飛釘】黃婉君白色背心仔玩跳飛機出事

前組合2R成員黃婉君（Rosanne）為牙醫老公Derek誕下兩子，最近因新冠肺炎減少戶外活動，本身都有帶小朋友行開山嘅佢，成家留在家中一樣有嘢玩！Rosanne上載新片到社交網，原來佢教阿仔喺家中大花園玩跳飛機，佢哋先用道具將草地分成一格格，再拋銀仔嚟跳前跳後執，最估唔到嘅係Young爆嘅阿仔，身手竟然不及經驗取勝嘅Rosanne靈活！

穿上白色運動背心嘅Rosanne亦玩得鬼咁投入，唔知係咪件背心仔太緊卻令佢疑似「飛釘」！