楊千嬅隔離做「煮婦」又搓又篩出靚批

藝人楊千嬅早前由澳洲返港，依家正進行作家居隔離，連日嚟為家人炮製美食打發時間。嚟到第五日，老公丁子高喺社交網分享一段千嬅下廚嘅段片，片中見到千嬅做足衞生措施，全程戴住口罩，囝囝亦不斷喺廚房徘徊好奇媽咪整緊乜。

由搓麵皮至入焗爐，每個步驟千嬅都落手落腳，最終新鮮出爐嘅蘋果批色香味俱全！千嬅成立「丁太廚房」後又焗曲奇又煮芝麻糊，搞到丁子高忍唔住話：「#咁落去好快變豬 #日日做運動都唔掂」仲大讚千嬅名副其實「多功能老婆」！