冇戲開秘撈跟車送貨？張建聲嘆生活艱難

因為新冠肺炎影響，娛樂圈步入寒冬，好多藝人都冇工開，手停口停，點都要搵啲嘢做先生活到落去，藝人張建聲就上載咗一張用唧車嘅相上社交網，曾經做過跟車工人嘅佢，話生活艱難惟有重操故業，佢留言話：「生活艱難，更要努力求生，要攞返十幾歲嗰陣時做跟車嘅技能出嚟，所以話，演技從來都是從過往生活提煉出來的。」佢仲苦中作樂話自己係唧車界嘅高橋涼介，不過佢上載嘅第二張相就認真嚇親人，見佢整傷手指，鮮血係咁流，網友都叫佢要小心，止血先。