Legend嫂　Chrissy貼行騷舊照慶祝隆胸十年

美國騷靈天王John Legend嘅前模特兒老婆Chrissy Teigen出晒名愛「呃like」，她昨日就於社交網站Instagram上載2010年穿水着行catwalk的舊相，並留言話慶祝隆胸10周年紀念！

Chrissy留言說：「慶祝呢對波波10周年快樂，並安息呢棚牙。」今次呢個po成功呃走接近72萬個likes，其中一眾名人好友包括真人騷女王Kim Kardashian、獄海名媛Paris Hilton與師奶真人騷女星Lisa Rinna都有留言回應。

其實Chrissy一向都唔介意畀人知佢隆過胸，早排她接受雜誌訪問時承認大約20歲左右隆胸，她表示是因為對自己身材欠缺安全感才隆胸。而她亦指隆胸後每十年應該要換過矽袋，但當有了子女就會諗做手術的風險。她說：「我唔想因為做波波手術而死，我唔想咁樣死！」